தென் ஆப்பிரிக்காவுக்கு 10.67 கோடி; அப்போ இந்திய அணிக்கு? பிசிசிஐ, ஐசிசி அறிவித்த பரிசுத்தொகை விவரம்! | T20 World Cup Prize Money announced by BCCI and ICC

தென்னாப்பிரிக்காவுக்கு எதிரான அந்தப் போட்டியில் இந்திய அணி 7 ரன்கள் வித்தியாசத்தில் வெற்றி பெற்று கோப்பையைக் கைப்பற்றியிருக்கிறது. இறுதிப் போட்டியில் ஆட்ட நாயகன் விருதை விராட் கோலியும், தொடர் நாயகன் விருதை பும்ராவும் வென்றிருக்கின்றனர்.

கடைசியாகக் கடந்த 2013-ல் இந்திய அணி ஐசிசி தொடரை வென்றிருந்த நிலையில் 11 ஆண்டுகளுக்குப் பிறகு மீண்டும் ஒரு ஐசிசி கோப்பையை வென்றிருக்கிறது. கிரிக்கெட் ரசிகர்கள், திரைத்துறை பிரபலங்கள், முன்னாள் கிரிக்கெட் பிரபலங்கள் எனப் பலரும் ரோஹித் சர்மா தலைமையிலான அணியைப் பாராட்டி வருகின்றனர். இந்நிலையில் டி20 உலகக்கோப்பை வென்ற இந்திய அணிக்கு பிசிசிஐ சார்பாக ரூ.125 கோடி பரிசுத்தொகை அறிவிக்கப்பட்டுள்ளது.