மோடி: 3 நாள் தியானத்திற்கு 3 மணி நேரத்தில் தயாரான தியான இருக்கை… மரவேலை செய்த சிவநேசன் corpenter who designed the dhiyana seat for Modi shared his happiness

முதல் நாள் கன்னியாகுமரி பகவதி அம்மன் கோயிலில் சுவாமி தரிசனம் செய்துவிட்டுப் படகு மூலமாக விவேகானந்தர் நினைவு மண்டபத்திற்குச் சென்று தியானத்தைத் தொடங்கினார். விவேகானந்தர் நினைவுப் பாறை அருகே உள்ள 133 அடி உயர திருவள்ளுவர் சிலைக்கு மலர் மாலை சமர்ப்பித்து வணங்கினார் பிரதமர் மோடி. பின்னர் படகுமூலம் கரைக்கு வந்து, அரசு விருந்தினர் மாளிகையில் இருந்து ஹெலிகாப்டர் மூலம் திருவனந்தபுரம் விமான நிலையம் சென்று அங்கிருந்து டெல்லி புறப்பட்டு சென்றார்.

பிரதமர் நரேந்திர மோடியின் மூன்று நாள் தியானத்திற்காக மூன்று மணி நேரத்தில் தேக்கு மரத்தால் ஆன தியான இருக்கை தயாரித்துள்ளார் நாகர்கோவில் அடுத்த கீழச்சங்கரங்குழிப் பகுதியைச் சேர்ந்த மரத்தொழிலாளி சிவநேசன். இதுகுறித்து சிவநேசன் கூறுகையில்,

“நான் அரசு அதிகாரிகள் சிலருக்கு மர பர்னிச்சர் வேலைகள் செய்து கொடுத்துள்ளேன். இந்த நிலையில் பிரதமர் மோடி தியானம் செய்வதற்காக தியான இருக்கை ஒன்று வேண்டும் என அதிகாரிகள் கடந்த 30-ம் தேதி அதிகாலை 5.30 மணி அளவில் என்னிடம் கூறினார்கள்.

பிரதமர் மோடி அமரும் தியான இருக்கை செய்யும் வாய்ப்பு வந்ததால் மிகவும் மகிழ்ச்சி அடைந்தேன். உடனடியாக மரக்கடை வைத்திருக்கும் எனது நண்பரின் வீட்டுக்குச் சென்று அவரை எழுப்பிக் கடையைத் திறக்கச் செய்து தேவையான தேக்குமரங்களை வாங்கிக்கொண்டேன். உதவிக்கு என்னுடன் பணி செய்யும் சக தொழிலாளர்கள் 2 பேரை அழைத்துக்கொண்டு காலை 10 மணிக்கு வேலையைத் தொடங்கினோம். 12 மணிக்கு பாலீஸ் போட்டு அனைத்து வேலைகளையும் முடித்துவிட்டோம். பின்னர் தியான இருக்கையை அதிகாரிகள் கூறிய இடத்தில் கொண்டு ஒப்படைத்துவிட்டோம்.