வெளிநாட்டு பெண் சுற்றுலாப் பயணிகளுக்கு விலை; இளைஞரின் அநாகரிக செயலுக்கு வலுக்கும் எதிர்ப்பு! | Rajasthan youngster behaved indecently with foreign female tourists

ராஜஸ்தானில் வெளிநாட்டு பெண் சுற்றுலாப் பயணிகளிடம் இளைஞர் ஒருவர் அநாகரிகமாக நடந்துகொள்ளும் வீடியோ சமூக வலைதளங்களில் வைரலான நிலையில், ஜெய்ப்பூர் போலீஸார் அவர்மீது நடவடிக்கை எடுத்திருக்கின்றனர். முன்னதாக, சமூக வலைதளங்களில் வைரலான அந்த வீடியோவில், வெளிநாட்டு பெண் சுற்றுலாப் பயணிகளை ஒவ்வொருவராகக் காண்பித்து இவர்கள் ரூ.150, ரூ.200, ரூ.300, ரூ.500 என விலை குறிப்பிட்டு இளைஞர் பேசியிருக்கிறார்.

அந்த இளைஞர் என்ன பேசுகிறார் என்று புரியாமல் வெளிநாட்டு பெண்களும் சிரித்தனர். பின்னர், X சமூக வலைதளப் பயனர் ஒருவர் அந்த வீடியோவை தனது பக்கத்தில் பதிவிட்டு, இந்தியாவில் வெளிநாட்டு சுற்றுலாப் பயணிகளுக்கு மோசமான அனுபவம் ஏற்பட இவர்களைப் போன்றவர்களே காரணம் என்றும், இந்த இளைஞரை ஜெய்ப்பூர் போலீஸார் கைதுசெய்ய வேண்டும் என்றும் ட்வீட் செய்திருந்தார்.