makkalnews.com
பரோட்டா சாப்பிட்டு அஜீரண கோளாறால் மனிதர்கள் இறக்கும் செய்திகள்தான் அடிக்கடி வரும். ஆனால் கேரளாவில் பரோட்டா சாப்பிட்டு 6 மாடுகள் இறந்துள்ள சோக செய்தி கால்நடை வளர்ப்போர் மத்தியில் அதிர்ச்சியை ஏற்படுத்தியுள்ளது.
கேரள மாநிலம், கொல்லம் மாவட்டம், வெளிநல்லூர் பகுதியைச் சேந்தவர் ஹஸ்புல்லா. இவர் வெளிநாட்டில் வேலை செய்துவிட்டு, ஊருக்கு வந்து மாட்டுப் பண்ணை வைத்துள்ளார். அவர், தன் மாட்டுப்பண்ணையில் 30 பசுக்களையும், 2 எருமைகளையும், 2 காளை மாடுகளையும் வளர்த்து வந்துள்ளார். கடந்த வாரம் வெள்ளிக்கிழமை பரோட்டாவுடன், பலாப்பழங்கள், பயறு வகைகள், கோதுமை தவிடு என்று பண்ணையில் உள்ள மாடுகளுக்கு உணவாக கொடுத்துள்ளார். இதையடுத்து மறுநாள் பசுக்களுக்கு மூச்சுவிட முடியாத அளவுக்கு உடல்நலக்குறைவு ஏற்பட்டுள்ளது.
உடனே கால்நடை மருத்துவர்களை அழைத்து மாடுகளுக்கு சிகிச்சை அளிக்கப்பட்டது. ஆனாலும் அடுத்தடுத்த நாள்களில் வரிசையாக 6 மாடுகள் இறந்துள்ளன. மேலும், பரோட்டா சாப்பிட்ட 8 மாடுகளுக்கு தொடர்ந்து சிகிச்சை அளிக்கப்பட்டு வருகிறது.
GIPHY App Key not set. Please check settings