Semi Finals: ` நாளை மழை பெய்தால்…!’ இந்தியா – இங்கிலாந்து போட்டிக்கு ரிசர்வ் டே கிடையாதா? | T20 WorldCup Semi Finals Reserve Day Controversy

டி20 உலகக்கோப்பைத் தொடரின் அரையிறுதிப் போட்டிகள் நாளை நடக்கவிருக்கிறது. தென்னாப்பிரிக்காவும் ஆஃப்கானிஸ்தானும் ஒரு அரையிறுதிப் போட்டியில் மோதுகின்றன. இந்தியாவும் இங்கிலாந்தும் மற்றொரு அரையிறுதிப் போட்டியில் மோதுகின்றன.

இந்தியா -இங்கிலாந்து அணிகள் ஆடும் போட்டிக்கு ரிசர்வ் டே கிடையாது. ஆனால், தென்னாப்பிரிக்கா – ஆஃப்கானிஸ்தான் அணிகள் மோதும் போட்டிக்கு ரிசர்வ் டே உண்டு என்பது உண்மைதான். ஆனால், இதை அப்படி மேலோட்டமாக மட்டுமே பார்க்கக்கூடாது.

தென்னாப்பிரிக்காவும் ஆஃப்கானிஸ்தானும் மோதும் போட்டி டிரினிடாட்டில் நடக்கிறது. இந்திய நேரப்படி ஜூன் 27 ஆம் தேதி காலை 6 மணிக்கு இந்தப் போட்டி தொடங்குகிறது. ஆனால், உள்ளூர் நேரப்படி இந்தப் போட்டி ஜூன் 26 ஆம் தேதி இரவு 8:30 மணிக்கு தொடங்குகிறது. ஜூன் 29 ஆம் தேதிதான் இறுதிப்போட்டி திட்டமிடப்பட்டிருக்கிறது. ஆக, ஒரு வேளை இந்தப் போட்டி மழையால் பாதிக்கப்பட்டாலும் ரிசர்வ் டே கொடுக்க முடியும். ரிசர்வ் டேவாக 27 ஆம் தேதி இருக்கும். இதன்மூலம் இறுதிப்போட்டிக்கு தகுதிப்பெறும் அணிக்கு இறுதிப்போட்டிக்கு முன்பாக ஒருநாள் இடைவேளை கிடைக்கும். அதனால்தான் இந்தப் போட்டிக்கு ரிசர்வ் டே கொடுக்கப்பட்டிருக்கிறது. இந்தியா – இங்கிலாந்து போட்டிக்கு ரிசர்வ் டே கொடுக்கும் வாய்ப்பு இல்லை.